Plantun de Prouvènço

Pèr coumpara dos planto d'encò nostre

Veratrum album & Anthemis cretica subsp. columnae

Varaire

Veratrum album

Melanthiaceae

Àutri noum : Veraire, Avarai, Avaraire, Petaire.

Noms en français : Vératre blanc, Hellébore blanc.

Descripcioun :
Lou varaire trachis dins li pesquié e li melounié de mountagno. Es uno grando erbo, forto, emé de gràndi fueio alterno senso pecou. L'enflourejado en grapo sarrado èi coumpausado de flour blanquinouso mens o mai verdo, emé la baso di tepalo pu sourno. Se sias un "gencianaire", avisas vous de lou pas counfoundre emé la genciano que li fueio se sèmblon proun.

Usanço :
Lou varaire es uno planto mourtalo de la racino i grano. Parié qu'Alessandre-lou-Grand fuguè empouisouna em'acò. Paraliso l'esistème nervous, aro se n'en servon soulamen en oumeoupatìo. Emé li racino s'adoubo uno poutingo bono contro li niero o àutri bestiouno.

Port : Grando erbo
Taio : 50 à 200 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Veratrum
Famiho : Melanthiaceae

Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :
Juliet à avoust

Liò : Pesquié - Bos clar - Melounié
Estànci : Mountagnard à Aupen
Couroulougi : Éurasiatico
Ref. sc. : Veratrum album L., 1753

Uei-de-vaco(-de-Colonna)

Anthemis cretica subsp. columnae

Asteraceae Compositae

Autre noum : Margaridié.

Nom en français : Anthémis de Colonna.

Descripcioun :
Aquest uei-de-vaco trachis dins li pelouso de mountagno dis Aup marino dessubre 1600 m. Es uno planto raro que se destrìo di subsp. cousino bonodi si bratèio e fueio larjo e que la souco èi gaire lignouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 12 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Anthemis
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 3 à 6 cm
Flourido : Printèms - Estiéu

Sòu : Ca
Autour basso e auto : 1600 à 2400 m
Aparado : Noun
Jun à avoust

Liò : Pelouso - Tepiero roucaiouso
Estànci : Subaupen à Aupen
Couroulougi : Mediterrano-Mountagnouso
Ref. sc. : Anthemis cretica subsp. columnae Ten. Franzén, 1986

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Veratrum album & Anthemis cretica subsp. columnae

ges

Coumpara Varaire emé uno autro planto

Coumpara Uei-de-vaco(-de-Colonna) emé uno autro planto